王敏德無暇做裸體模特兒 馬詩慧嘆劉香萍講大咗

2020年06月30日 19:49
東網電視
更多新聞短片
王敏德搞展覽,舉家支持,談及劉香萍與女兒貝安琪的事件,馬詩慧坦言指劉香萍講大咗。
藝人王敏德(Michael)的自家品牌MW Michael Wong為港日混血女畫家西山瑞貴在港舉行首次個人畫展,展出多張日本傳統情色藝術畫作,大膽震撼。太太馬詩慧帶埋女兒王曼喜、王麗嘉、兒子王躍穎撐場。
Michael十分欣賞西山瑞貴的畫風:「日本或亞洲人對性都好敏感,好多時收收埋埋,唔會表露,佢可以好大膽咁展現出嚟。(你有冇收藏藝術品?)依家開始學收藏,我鍾意啲傳統同古典嘅。」
問王敏德如被邀擔任這類型藝術品的模特兒,可會接受挑戰?他搖頭說:「我過咗呢個位置,依家冇咁Fit。(有冇後悔以前唔影裸照?)冇後悔。」馬詩慧追問王敏德敢唔敢?王敏德回答:「呢啲係抽象畫,唔使model,個畫象喺腦海入面。同埋我唔會做呢類模特兒,會好悶,時間會好耐,可能好幾個鐘唔郁得。(所以影寫真好啲?)影過啦,太多就唔矜貴。」
對於劉香萍女兒貝安琪原定會出席活動,但今早臨時表示有事缺席,問馬詩慧可有留意劉香萍與餐廳的糾紛事件?馬詩慧表示唔清楚,對於「劉香萍話貝安琪係大名人,親臨都要支付食物錢」。馬詩慧即說:「佢真係咁講?就算係都唔應該咁講,要畀錢係正常。」