湯沛宜晒胸騷長腿　林鈺洧驚爆撞鬼

藝人湯沛宜（ToTo）與林俊賢女兒林鈺洧（Denice），聯同另外5位女仔，今日現身九展為由火火主持的ViuTV最新節目《鬼同妳上位》造勢，當中以ToTo最為性感，大晒事業線兼長腿，而Denice就主攻晒美腿。

ToTo跟Denice受訪時自爆首日拍攝已經撞鬼，更有一個參賽者嚇怕主動嗌退賽，「受害者」之一的Denice驚魂未定講述撞鬼經過：「係拍拍吓嘢突然抖唔到氣，好有壓迫感，之後就腰痛，師傅即場幫我唸經文作法，落山嗰陣就開始冇咁痛，但就見到退賽嗰個女仔係雙手緊晒，附咗身咁，仲望住我，ToTo即刻分開我哋兩個先冇事。」有嚇到想退賽？她笑言都冇，事後平復心情，返屋企又檻火盆，不過就自爆參賽一事沒有知會爸爸：「呢刻都唔敢講，驚佢話我做乜嘢做啲咁嘅嘢，每次去拍嘢都話去做嘢。」

為免再次撞鬼，ToTo表示隨身帶備法寶應急：「我有帶啲戒指、頸鏈、手觸呢啲聖物，係師傅作過法，畀我辟邪、保平安，去拍嘢仲會帶埋聖水、碌柚葉水，幫我壯膽。」