港姐面試：賴琦媛囂爆講名車論

《2020香港小姐競選》第二次網上面試正在舉行，於「高討論組」方面，20歲的賴琦媛（Ivy）就讀大學建築系，平日喜歡玩Wakesurf，對於被指首次面試有名車接送？她卻否認說：「睇名車定義係咩，今日我Call車，如果講Benz係名車，我都經常坐，心目中名車係法拉利。」問到於無綫選一位喜歡類型男士，她笑指一定揀陸浩明。

23歲的廖慧儀（Jessica）上年中文大學畢業，曾當空姐一年，平時有教瑜伽，有網友指她於社交網的照片相當火辣，她說：「係健康，唔係好Hot，每女仔都有自己形態美，係展現自己長處一面，依家我有拍拖嘅。（社交網有婚紗相喎！）唔係結婚，係拍片有時搞Gimmick，我仲未婚，不過每段感情都認真對待，唔會收埋。（叫你狂野空姐！）我性格好多面嘅。（有冇試過畀機長追？）冇試過。」

至於「KOL組」，羅雪妍被網友指激似謝雪心，她聞言也大方回應：「好開心有明星相。」而懂得MMA格鬥的阮璟彤，笑指最鍾意玩三角鎖，被司儀陸浩明叫即場試範，惟她以場地及服裝不合適婉拒。