「黑妹」陳凱詠被歧視 反擊旁人太無知

2020年06月30日 22:46
東網電視
更多新聞短片
陳凱詠天生皮膚偏黑。
獲校長譚詠麟欽點由主播成為環球力捧歌手陳凱詠(Jace),天生皮膚偏黑,讀書時經常被歧視,但明白年幼時同學們出於無知,所以她未有太嬲。歌神張學友、陳奕迅的小師妹Jace皮膚黝黑,最近美國反種族主義情緒高漲,她自爆小時候也曾被歧視,讀幼稚園時有同學仔跟家人說:「哎呀,我哋班嚟咗個非洲嘅同學呀!」到中學又有同學問她:「你咁黑係咪賓妹嚟㗎?跟步你實跑得最快啦。」對方續跟她隔籬選手說:「唔好輸畀嗰個人!」
但這班同學與她今時今日都是老友,她說:「細個我係黑到咁嘅,所以我唔怪得佢哋嘅,但嗰時點解咁樣講嘢,除咗係種族歧視,點解要用我個膚色去笑其他種族同埋我呢,我覺得所有嘢係錯晒,點解審美觀係要用一個人嘅皮膚顏色去決定呢,因為細細個嗰陣,我哋係無知嘅,佢哋覺得搞笑,嗰刻佢唔覺得係種族歧視,唔知原來咁會傷害到人哋嘅自尊或者心情,呢個都係出於一種無知,但無知可以係無辜,不知者不罪,所以我冇太唔開心。」
Jace笑言膚色遺傳自父親,以前每年父母都會帶她去泰國旅行,她說:「好似曬燈咁補一補,黑嘅人一曬完就唔會紅唔會甩皮,係直接黑嘅,黑完永遠唔會白番。」近年已經少曬太陽,也會盡責任搽防曬,因為化妝、影相或者拍戲時,明白打燈同事的辛苦,她說:「有導演講過剪片時,要將我同隔籬個女仔分開調色,因為我太黑,之前同Yanny影相,佢就好似反光板咁,顯得我仲黑,所以真係好難搞。」
談到她的的新歌《天生二品》,就算不是排第一或者次等,每個人都是獨特的,整體樂觀的她自揭壞毛病:「我成日質疑自己,唔知點解對自己好嚴荷,好容易覺得自己做得唔夠好,而唔鍾意自己。」未入行前有朋友勁彈她不適合做歌手,又踩她做事三分鐘熱度,她說:「所以嗰啲所謂難聽你都唔夠靚、咁鬼黑㗎,咬子又唔知你唱乜,扮晒跳舞叻,都冇乜所謂,影響唔到我。」