陳瀅何雁詩玩Dumb Quiz　邊個係笨蛋？

藝人陳瀅同何雁詩出名係圈中好閨蜜，姊妹情深，今日兩人相約飯局見面，席間仲拍片玩Dumb Quiz（笨蛋測驗）測試知識水平，其中一條問題係：「彩虹最最上方咩顏色？」何雁詩即時搶答紅色，但陳瀅竟然秒回「No！」跟住仲好認真思考個問題，搞到何雁詩笑佢成功證明自己係笨蛋。另一條問題係：「綠豆是那個國家特產？」陳瀅信心滿滿答：「中國！」但當佢一見到答案係印尼，即刻差啲忍唔住講粗口，十分搞笑。