樂易玲61歲生日眾星拱照 吳卓羲送完首飾偷走

2020年06月30日 23:25
東網電視
更多新聞短片
樂易玲61歲生日眾星為她慶生,吳卓羲因為明早要開工,所以率先離開派對。
無綫高層樂易玲7月1日便踏入61歲生日,雖然忙住為港姐面試工作,但係生日喎,當然都要慶祝一下嘅。晚上樂小姐同一眾藝人於尖沙咀某餐廳慶祝生日,出席嘉賓粒粒都係星,當中包括吳卓羲、胡定欣、王浩信、馮盈盈、伍詠薇、黃宗澤、馬德鐘、李施嬅、陳瀅、林盛斌等……
個個嘉賓對被問送乜嘢禮物時都好避忌,唔少藝人結伴到場,都話要送同伴畀樂易玲做生日禮物,不過,陳瀅就最老實,話自己送蛋糕同酒,而蔡潔則送手持名牌紙袋,好重手喎。據悉,樂易玲所包的廂房最低消費約港幣8萬元,所以未計酒水,人均消費都要約四千大元。
於晚上11時半,吳卓羲先行離開,他笑說:「我係偷走,唔偷走點走?聽日有工作!(送包包?)唔係,買唔起,送首飾!」相隔五分鐘,馬德鐘亦離開。