王麗嘉孖D奶網紅鬥好波 疑似放閃晒新仔

2020年07月01日 12:25
東網電視
更多新聞短片
真係唔知重點放邊好…
名模馬詩慧女兒王麗嘉(Irisa)與D奶網紅好友、天堂鳥(BOP)成員Tyrese女友Pumpkin Jenn成日都孖住晒身材,兩個都擁火辣上圍,真係睇到宅男入晒定!今日雖然時有滂沱大雨,不過都無損二人大騷驕人圍嘅心,一前一後咁喺社交網上載吸睛泳照,仲要一黑一紅相輝映,簡直就係魔鬼嘅化身。
而Irisa又喺限時動態晒出一張疑似放閃照,見佢大方坐於一位外籍男士嘅大腿上,二人面貼面目光一致,男方亦微笑住從後輕攬Irisa,唔知係咪想公開新男友嘅身份呢?
已見家長成功融入家中
Irisa昨晚還帶同男伴現身爹哋王敏德舉辦的畫展,見埋家長。被問到是否新男友?Irisa說:「唔係,朋友。(追求者?)可能,大家都有好感,我哋識咗兩個月,未正式開始。」而Janet透露該男士是荷蘭人,在香港工作,問到如果拍拖是否同意?她說:「都係正常社交,ok啦,個男仔幾好,好有禮貌又規矩。」