Jessica@SG廚藝大躍進 幕後功臣係老公!

2020年07月01日 15:41
東網電視
更多新聞短片
真係多得老公個胃!
女子組合Super Girls成員Jessica(蔡明思)近日首次主持烹飪節目《台灣煮家蔡》,去年底成為人妻的她直言為讓老公能晚晚食到「住家飯」,半年來不斷鍛煉廚藝,直言廚藝已大躍進!
提到首次主持烹飪節目教煮餸,Jessica坦言有點壓力和緊張,所以事前做足準備功夫:「因為自己未試過拍節目教煮餸,係會緊張,擔心製作時步驟出錯,所以事前喺屋企煮好多次先,將味道改良,睇吓點樣將碟餸變得更好食。」Jessica笑言平日拿老公做「白老鼠」,她說:「節目中嘅菜式絕對係有搵老公做白老鼠啦,如果要拍攝前,佢一個星期就係不斷食同樣嘅餸,真係煮到自己有信心,咁先至會去錄節目。」
Jessica直言因疫情關係令廚藝大躍進,她說:「因為疫情多咗時間喺屋企,所以成日煮飯畀老公食,佢返工咁辛苦,都想佢食餐好,食得健康啲。」她更表示:「無論我煮咩餸佢都畀好多鼓勵我,就算唔好食都會係咁讚,即使偷懶將所有隔夜餸炒成一碟飯,佢都有讚冇彈,呢個成為我嘅煮餸動力。」此外,Jessica笑言屋企人也對她的廚藝另眼相看,她笑說:「媽咪都估唔到我可以照顧到老公,因為係佢哋心目中我連自己都照顧唔好,所以都覺得我結婚之後長大咗,好安慰。」