【自動收聲】盧頌恩遊九龍城最記得飛機聲

香港開電視藝人盧頌恩（妹頭）日前相約主播馬梓軒從遊她的成長地九龍城。妹頭指小時候聽得最多就是飛機聲，她說：「以前機場仲未搬去赤鱲角，上堂嗰陣不時有飛機經過，我哋全班師生都好有默契，一有飛機經過，無論講到邊粒字，大家都會自動收聲，然後等飛機過咗先會繼續，我哋都習慣晒聽到嗰啲噪音。」

妹頭又帶來昔日讀幼稚園的一張成績表，成績和品行均不俗，唯獨Kindness（良善）一項被評為C+，她笑說：「可能我細個唔夠好人，唔太友善，細個其實都幾野蠻，算係不擇手段嘅人，例如我想要嗰樣嘢，媽咪唔買畀我，我就會扭計，賴死唔走！」

妹頭投身演藝行業拍過不少旅遊節目，講到希臘拍攝時趣事，她笑說：「當地男士好開放，開口第一句就問你酒店房喺邊，嚇到我傻咗。」