網上生意賺10倍!陸詩韻豪擲12萬撐好友慈善畫展

2020年07月01日 17:29
東網電視
更多新聞短片
陸詩韻以12萬元購下好友畫家嘅極光油畫。
藝人陸詩韻出席慈善畫展,自陶腰包即場以12萬元購下好友畫家Bernard Wong的極光油畫,可謂畀足面,她說7、8年前曾經去挪威旅行,但當時冇睇極光,她說:「嗰時去挪威,覺得物價、人工好貴,乜都講錢,唔識極光,淨係做嘢。如果依家去挪威睇極光,可能完全係另一樣嘢,人大咗,觀感唔同,覺得好浪漫,有機會想再去多次。(想同鍾意嘅人一齊睇極光?)去旅行梗係同鍾意嘅人,不過有排至飛得。」
陸詩韻說拍完ViuTV的劇集《熟女強人》後,暫時未有新幕前工作,待吳千語返港,會有煞科宴。提到其美容生意網上利益有10倍的增長,令她喜出望外,她說:「疫情開始緩和啲,有啲美容推廣傾緊,網上生意我冇預計到咁好,估唔到爆炸力咁強,開心咗一排。依家好多KOL,我哋做緊平台共享,同行唔係敵國,好多行家都做緊護膚品,大家可以夾埋一齊,粉絲不同,可以互相吸引大家嘅粉絲,我都有介紹佢哋啲嘢,咁樣仲開心,唔會淨係覺得我賣花讚花香。(KOL主動聯絡你?)係,初頭都擔心會唔會唔係幾好,但試過之後反應非常之好。」