冇工開財困!Kawaii長期失眠精神緊張

2020年07月01日 17:30
東網電視
更多新聞短片
慘呀!
藝人Kawaii出席畫家好友的慈善畫展,精神不錯的她透露幾星期前突然頭暈,原本以為耳水不平衡,但看了家庭醫生後,被診斷是精神緊張,她說:「佢問我有冇手震、想嘔,話我胃氣同腸顯示我長期失眠,真係覺得佢係神醫,因為我拎水杯都手震,失眠咗幾個星期,醫生話我精神緊張,唔正視就會抑鬱。」
她指自己近日因冇工開至財困,懷疑因此緊張失眠,以往收入來源全靠做主持,但由去年7月至今,只接了兩個商場主持工作,老本已使晒,原本工作於本月10日返大陸做主持,但現在又延期,恐失去五位數收入,她說:「積蓄得番幾千蚊,下個月供樓都驚驚哋,供樓要萬幾蚊,好彩有家人幫手供,仲畀埋買餸錢我,我依家主力買餸煮飯。」