樂易玲生日人多勢眾！一圖睇晒情侶微妙關係

無綫助理總經理兼邵氏電影執行董事及總經理樂易玲，於7月1日度過了她的61歲生日，壽星婆前晚舉行生日派對，大批藝人到䝷，包括有：黎燕珊、苗僑偉﹑黃宗澤﹑胡定欣﹑王浩信﹑馮盈盈和李施嬅等，而昨日她在家再舉行第二場慶祝派對，樂易玲於社交平台甫出不少到賀的藝人合照，當中有多對情侶到場，其中有袁偉豪與張寶兒、楊明與莊思明、鄭俊弘與何雁詩，而馬國明和湯洛雯這對，亦成為焦點，女方舊愛羅天宇亦大方列席，至於緋聞男女余德丞、胡鴻鈞及蔡思貝也同場，甚至連思貝舊愛麥秋成更罕有出席，就連王浩信都有出席前晚和昨天兩個生日會，樂小姐面子認真夠大。

問到馬國明對與女友舊愛同場的感覺，他回覆說：「佢哋以前拍過拖，冇乜問題喎，我覺係一件好平常嘅事，大大方方出嚟，冇問題，大家都係成年人！」至於靚湯則表示：「大家都係好朋友，完全冇芥蒂！」至於另一組四國戀則較複雜，問到思貝可有尷尬？她只說：「大家都係好朋友、好同事，一齊想樂小姐開開心心，過一個生日！」

經過上次手袋失竊後，莊思明今次夠晒醒，手袋全程跟身，不過冇所謂啦！同場全部都係Friend，絕對不會再有上次情況出現。思明接受東網電話訪問時解釋：「唔係，係有少少陰影，但唔係陰影大到咁，而且喺樂小姐屋企好放心。只係因為我平時好鍾意補妝、吸面油，加上我對眼好乾經常要滴眼藥水，我孭住個袋就方便啲，隨時可以拎嚟用，唔駛行嚟行去。」

天時暑熱，為免大家辛苦，陳浚霆買了大量飲品給傳媒，樂易玲又請記者食嘢，認真識做！