同姑仔戰爭未完？張韋怡晒飯局相hashtag「有骨」

無綫落選港姐張韋怡（Gogo）早前被姑仔鬧爆貪慕虛榮，但就獲老公Michael力撐，夫妻感情似乎冇受影響。呢日佢哋兩公婆相約好友出席飯局，眾人亦有小酌幾杯，放鬆一下。

Gogo其後將合照上載到社交網，並留言：「好朋友飯聚，開心正能量#天將降大任於斯人也，必先苦其心志，勞其筋骨，餓其體膚，空乏其身，行拂亂其所為，所以動心忍性，增益其所不能#爛人爛事趕快滾開」

而同場仲有上月被爆與年長19年、太極樂隊鼓手朱翰博（Ricky）分手嘅戴夢夢，孖住新歡何偉略（Dell）齊齊現身，公開戀情後愈愛愈高調，更帶同男友Dell融入朋友圈。