仲未湊到個好字!陳凱琳第二胎都係佗仔

20200704
東網電視
更多新聞短片
恭喜晒!
前港姐陳凱琳(Grace)早前宣布懷有第二胎,呢日佢就舉行baby shower,有份出席嘅好友單文柔於社交網晒出派對片段,當中見Grace手持寫上「Boy or Girl」氣球,然後用針拮爆氣球後,即飄出一堆淺藍色嘅氣球,相信代表今胎都係佗仔!
而單文柔亦有晒出二人合照,見現場派對以蜜蜂作為主題,Grace更着上黃色波點裙襯到絕,非常有心思!單文柔留言:「期待baby 2 coming」,而陳凱琳亦有回覆答謝佢出席。陳凱琳接受東網訪問,親認今胎佗仔,指懷孕至今過程非常順利,身邊人均對佢照顧有加,並表示希望BB能夠健康快樂地成長。
單文柔接受電話訪問說:「知道佢有第二個BB之後好興奮,好期待可以有多個小朋友同Quinta玩!Rafa(Grace大仔)好靚仔,期待Baby 2 出現。」