《降魔的2.0》家俊獲無綫重用　副業竟然險凍過水

無綫「大隻仔」關曜儁（前名：關梓陽，Leo）早前憑《降魔的2.0》帶挈上位，即獲重用於新劇《陀槍師姐2020》，戲份加重，演藝事業一片光明！相反「副業」卻大受打擊，本身兼任健身教練嘅佢，去年與朋友合資400萬開健身中心，更於健身室內開設主打健康食物嘅咖啡室，並獲張振朗、朱敏瀚等藝人好友力撐，原本打算大展拳腳，豈料撞正市道不穩及疫情關係，令生意大減，開業至今將近一年依然未回本。

Leo透露由於疫情令市民減少外出做運動，加上早前健身室強制關閉逾一個月，導致每月損失30萬收入！雖然入不敷支，但Leo仍堅持向員工提供有薪假期，認真有情有義。與此同時，佢更諗計謀出路，於網上拍片進行健身教學，更主力針對改善媽媽手、偏頭痛等都市病痛症，Keep住人氣之餘，亦可擴大客群，殺出新血路，終成功捱過最艱難嘅時期，近日生意逐漸重回軌道。