馬德鐘畀鬼壓　黃宗澤住尾房驚到行李都漏低

邵氏特別節目《Tiger's talk》早前先後兩度爆料，成為全城熱話，近日節目再有嘢爆，一班演員齊集分享靈異經歷！其中視帝馬德鐘自爆十幾年前於北海道拍攝旅遊特輯，夜晚喺酒店房打算瞓覺時，竟然有怪聲從衣櫃飄出，衝向其耳邊，更感覺到畀人壓住，導致全身郁唔到，最後不停念經，怪聲才逐漸遠去。

同場嘅黃宗澤（Bosco）亦表示有次到馬來西亞工作，入住酒店尾房，插入房卡後其中一盞燈未有着光，當地保鏢即察覺有異樣而不內進，惟毫不知情嘅Bosco內進即感到周身唔聚財，直到行近床邊時，本身關閉嘅房燈卻突然發光，嚇得Bosco立即離開房間，更匆忙得遺下行李，認真驚險！