新歌好長先有抖氣位　李克勤唱到頭都痕

歌手李克勤今日推出全新廣東歌《格林童話》，歌曲由徐沛昕及馮翰銘作曲，林若寧填詞。從小便聽過不少童話故事，例如白雪公主、灰姑娘等耳熟能詳的格林童話，結局總是「從此王子和公主就過着幸福快樂的生活」，但現實生活又如何？克勤說：「雖然首歌叫《格林童話》，但主要圍繞一個好似大人嘅童話故事咁去描寫，童話故事通常都係公主王子，跟住有個happy ending，但現實生活中係咪咁呢？往往同我哋細個時候睇嘅童話故事個結局有啲唔一樣。其實佢講嘅都係一啲現代人經常會發生嘅一啲愛情故事。」原來童話也許並沒想像中美好。

克勤又透露第一次收到歌曲demo時，覺得有很多個「非常」，他說：「非常動聽、詞寫得非常之好。而且呢首歌係非常非常之咁難唱、非常非常之水蛇春冇抖氣位、錄咗非常非常之多日，真係錄到頭都痕埋。」