台妹愛撒嬌 余思霆施嗲功男女通殺

2020年07月09日 10:00
東網電視
更多新聞短片
余思霆冧人有一手!
在台灣長大的前華姐冠軍余思霆自小興趣多多,4歲開始學芭蕾舞、溜冰、滾軸溜冰,在美國留學又愛上滑雪,在香港則喜歡潛水、滑水、Gym、打拳等,她說:「自己坐唔定,細個一到小息就會衝出去打籃球,跳舞一直學到去美國讀舞蹈,唔係想做老師或者表演者,只係好享受跳舞。如果講最鍾意係踩Roller,12歲已經自己坐火車由花蓮去台北學踩Roller,學咗兩、三年。」
當選華姐後,余思霆來港發展,喜歡刺激玩意的她繼續冇時停:「香港冇得滑雪就走去玩滑水,滑水成日整到周身瘀晒,留低咗唔少疤痕,鍾意玩冇辦法啦!」近年她更挑戰難度,學習靠閉氣的自由潛水:「自己鍾意海底,想試吓唔同嘅方式,希望可以練到潛得深啲耐啲,最初只能夠閉氣30秒,依家可以閉氣兩分半鐘,考牌嗰陣幾乎斷氣,上水嘴唇都紫晒,想舒服就唔好學自由潛水,自己每次潛水都好似覺得就嚟Bye Bye,哈哈。」而她亦喜歡打機,笑說:「讀書身邊朋友打機,唔打冇話題,讀書打到凌晨3點。依家玩手遊亦玩到唔願瞓,近排梗係玩《動物之森》啦!」
台灣「正妹」好似天生就懂得撒嬌,在花蓮長大的余思霆也給人嬌媚溫柔印象,講到台灣與香港女仔的分別?她笑說:「台灣女仔講嘢高音啲,又鍾意用疊字好似食飯飯、肚餓餓,講嘢會婉轉啲,所以畀人撒嬌嘅感覺,其實唔止對男朋友,對住女仔朋友都係咁嬌嗲。香港女仔講嘢聲線低音啲、肯定啲,亦唔鍾意用疊字,所以就冇嬌嗲感覺。」
Profile
姓名:余思霆(Stitch)
年齡:26歲
身高:1米70
三圍:33、24.5、34.5
學歷:University At Albany舞蹈系
場地:Briketenia
髮型:Vincent Lau (Private I)