同高雲翔離婚未夠1年！董璇嗒90後拍檔玩姊弟戀？

大陸男星高雲翔2018年惹官非，雖然最後獲判無罪釋放，但卻妻離子散，2019年7月與老婆董璇離婚。現年37歲嘅董璇回復單身後，疑似有新戀情玩姊弟戀，對方係30歲演員蘇小玎，兩人曾合作舞台劇《大話西遊》！

兩人被拍得聚會片段，董璇雙手捧住男方臉頰，行為親暱。幾日後，兩人再被拍得手拖手，男方更將手搭喺董璇膊上，似足情侶咁！

而早前董璇嘅助理被影得接送高雲翔同董璇女兒「小酒窩」到酒店，不久董璇現身酒店門口，助理就帶住小酒窩到大廳，董璇接過女兒後離去，從頭到尾都冇見到高雲翔，但就傳出復合消息！