【網民話激似】王浩信竟然同劉松仁撞樣

藝人王浩信、張振朗、馮盈盈、高海寧同湯怡主演嘅無綫劇《反黑路人甲》（前名：《極道怪咖》），下個月就開播。為咗配合宣傳，佢喺社交網上載咗一張造型照，網民大讚造型好有新鮮感，令人相當期待。不過，有網友指佢同資深藝人劉松仁撞樣，無論面形輪廓同五官都好相似。

早前有傳劉松仁中風兼行動不便，佢今日喺社交網上載五月時同米雪等好友飯敍合照，見佢精神奕奕狀態大好，令粉絲放下心頭大石，佢發文話：「難過，難捨！我們會重會的。」