為防曬冇面見人　謝芷倫失手「走光」燶咗

藝人謝芷倫（Jan）最近迷上出海滑水，向來貪靚嘅佢當然做足防曬措施，呢日佢就拍片公開防曬大法，原來佢每逢出海都必備Cap帽連面罩，再戴埋太陽眼鏡，全塊面都遮到實一實，絕不「走光」！佢更全程罩不離身，只係落水時先暫時除罩，但一上船就繼續戴罩，絲毫不敢鬆懈！

雖然準備充足，但依然百密一疏，膚色始終難免稍有變深，搞到佢都忍唔住表示：「經過這一個多月wakesurfing嘅洗禮，已經變咗色！」不過網友就指其健康嘅膚色，配上弗爆身材，反而更加吸睛！