謝文欣入廚零天分　腸仔都煮唔熟？！

抗疫期間全民變廚神，歌手謝文欣（Ally）一向都自稱「地獄廚娘」，呢日佢拍片挑戰整All day breakfast鍛煉廚藝，不過入廚時Ally雞手鴨腳，打爛杯又煲燶食物，蝦碌百出，總之就搞到一鍋粥，名副其實地獄廚娘！

佢表示：「我見近期好多人擺上網煮咗好靚嘅嘢食，雖然我有自知之明冇乜天分，但都想嘗試吓。話說一開始煮已經唔小心打爛咗隻杯，煎pancake又煎到燶晒，個麥皮仲煲到燶晒，最後連條腸仔都未熟。但我真係唔係特登，亦唔係節目效果。」