孖四位生力軍合唱　盧冠廷最欣賞係佢

音樂人盧冠廷（LoLo）率領一眾環球歌手陳凱詠（Jace）、涂毓麟、文廸及Kerryta，為ViuTV音樂節目《Chill Club》擔任嘉賓。講到孖四位樂壇生力軍合唱《突破自我》，LoLo大感滿意，又點名話最欣賞Jace，問到生力軍們有主動邀歌？他大笑話：「佢哋唔敢叫啦！睇吓佢哋進步成點先考慮。」

Jace及Kerryta憶起當時錄音好緊張，情形似考試，但文廸及Oscar就反而覺得好Chill，其中文廸抵死笑話覺得LoLo最錫自己：「咁啱我又係姓盧，同姓三分親，覺得前輩特別錫我！除咗有叫我食嘢，佢仲第一個向我介紹支天文望遠鏡。」稍後可會向LoLo邀歌？他們即耍手擰頭嗌「唔敢」，不過文廸諗到條絕世好橋：「轉頭喺台上面問佢，前輩好好，佢會（應承）嘅！」