港姐2nd in：護士何孟珊參與過割包皮手術

《2020香港小姐競選 》進行第二輪網上直播面試。范倩雯對於被指似馬國明及周永恒等，佢非常樂觀，講笑指希望未來可以擔任劇集《降魔的3.0》馬國明嘅替身。

之後有大熱門「港版子瑜」之稱嘅郭柏妍，佢透露之前只專注讀書，再加上碩士課程即將讀完，想為自己重新定位，所以決定參選港姐。當被問到自己有咩優點，佢竟然指自己腳趾好長，令人嘩然：「因為顯得個人長啲。」

最後係任職護士嘅何孟珊，指參選全因一個港姐夢，故決定參選。對於被指今日烏低身露「事業線」及拎名牌袋，佢表示：「好多謝大家對我嘅關注，不過烏低身都係平時嘅小動作，又冇話特別拎咩袋。」而任職護士嘅佢，被網友問到有冇參與過割包皮嘅手術？佢大方表示：「其實都唔係咩特別嘅事情。（咁你有冇參與過？）有，係一件平常事，係護士嘅角度嚟睇，器官都係好正常。」