7月13日是歌手羅啟聰27歲生日，本來他計劃今日（10號）在中環胡杏兒老公的酒吧搞個生日音樂會，但隨着第三波新冠肺炎疫情爆發，政府宣布收緊社交距離措施，包括酒吧限4人一張枱，他惟有在社交平台宣布取消。

阿聰回覆東網表示本身沒有計劃搞生日派對：「只係今年大家都經歷咗好多，諗住喺間靚靚嘅mucis bar jam吓歌，大家聚吓就好啦，咁先決定去搞，點知我一話搞，第二日疫情就爆發。」

他本來預計圈內、外朋友加埋粉絲有近100人出席，不過他在政府未宣布新措拖前已經跟朋友講透露決定取消，最後再在網上正式對外宣布：「因為我唔想任何一個朋友有事，（好失望？）又唔會嘅，雖然好多朋友都話無論點都諗住嚟，但我話唔好啦，我又唔係搞好大型嘅歌劇或者音樂會，我覺得等到有機會再搞都得，唔一定要係生日嘅。」他盼望疫情盡快過去，大家身體健康最重要。