一炮過買三房樓冇難度!楊秀惠網店4年營業額過億

20200712
東網電視
更多新聞短片
隱形富婆喎!
藝人楊秀惠近年經營美容生意成績理想,仲拍埋片同大家講吓創業心得,分享如何靠社交平台宣傳產品,又自爆喺短短4、5年內,網店營業額已超過1億港元!而近幾年投放於廣告嘅支出,更足夠喺香港Full pay買入全新三房住宅單位,可見其生意規模相當龐大。
佢續指有咗第一桶金後,就可以放心選擇自己想做嘅嘢,又以自己作為例子:「好似過去幾年我推咗幾個主角嘅角色,我選擇將TVB預支畀我嘅人工,一大筆錢咁還番畀TVB,其實只要我選擇繼續喺TVB做,就唔需要還,但我就揀咗做自己鍾意嘅嘢,所以將啲錢還畀TVB。」
對於「一筆清」償還畀無綫嘅預支酬勞金額係幾多?楊秀惠回覆東網,指雙方有口頭協議唔可以公布:「只可以話呢個係雙方都同意、滿意嘅安排,我好感謝TVB嘅體諒。」講到佢指喺網上投放的廣告費夠買3房單位,佢話:「遲啲喺我個頻道會詳細交代,想保留少少神秘感,只可以講係八位數,講呢個數目出嚟,只係想同大家分享呢方面嘅實際經驗同故事。」佢話創業初期賣過服裝、首飾同埋精品,依家主攻美妝產品:「不斷轉銷售平台,並唔係自願,反而係技術上、IT上嘅問題,所以喺呢方面累積好多經驗。」