林夏薇逼老公睇親熱照:係我唔着衫攬住第二個

2020年07月12日 17:33
東網電視
更多新聞短片
林夏薇為咗開工要同老公分房瞓。
藝人林夏薇(薇薇)在電視城為劇集《七公主》開工,她透露要連續拍十日,戲份都比較重,而且情緒起伏大,連聲音都有點沙啞,她說:「最後幾日係要好崩潰,個景會畀我破壞,仲要聲嘶力竭,喊到冧人同冧樓。如果完成咗對我係好大挑戰,逐一擊破。」
她自言之前拍了另一場要除衫攬着徐榮的戲份,連化妝師看完都話她搏命,問到拍攝當日有否清場?她說:「冇清場,工作好專注,投入咗個角色入面,場戲唔係色情,而係好感動。我有做足防走光措施,因為怕走光影響感情戲。(有冇同老公備案?)我拍完有畀張相佢睇,佢話我黐線,畀呢啲佢睇,因為張相係我唔着衫攬住第二個。我每次拍親熱戲都會逼佢睇,有時睇電視,佢會行開唔睇,但我要佢睇番。我冇理佢感受,哈哈!(佢會唔會呷醋?)唔會,佢好支持我工作。」
她又指因爲要投入角色,故開工時跟丈夫分房睡:「因為我嘅戲好沉重,加上我拍到朝早先返到屋企,唔想影響佢嘅睡眠,我有時拍到情緒起伏好大,大家唔好太近都係好事,否則影響角色塑造。」她指不用開工時會多陪丈夫以作調節。