真實接觸　J.Arie：喊住寫歌

歌手J.Arie（雷深如）去年推出過兩首歌，一首是劇集歌，另一首是電影歌，今年終於推出新歌《雙面哈菲》，她視為離開唱片公司之後，第一首真正代表自己的歌曲：「呢首歌係我喺房裏面喊住寫嘅歌，但好流暢，喺半小時內就寫完。依家寫歌我唔一定寫畀自己，都希望可以畀最適合嘅歌手演繹。但寫完呢首曲，我對佢特別有感受，到依家聽到有時都會喊。」

入行七年了，J.Arie坦言是時候要誠實面對自己，和向世界呈現最真實的一面。所以這次她特地影了一輯新相，代表下一個階段的開始，她說：「呢輯相嘅我冇咩笑容，但係好真實。社會嘅期望，總覺得人要喺任何時候，都必須笑面迎人。但我哋喺現實生活中，係好矛盾，係極度抑壓，好多時候都係唔笑，甚至冇咩表情。點解我哋經常要活出一種精神分裂嘅虛偽狀態？」她希望藉住這首心血結晶《雙面哈菲》，可以第一步讓大家再次接觸真實的她是怎樣的一個人，她期望自己可以有更多更多步給大家看到。