冇同胡鴻鈞聯絡　許廷鏗：我都食慣檸檬

歌手許廷鏗（Alfred）到電台宣傳新歌《Negative》時，表示如疫情減退及市道回復，預計10月推出收錄10首歌的新碟及開騷，問歌名是否配合現時逆境，他說：「咁音樂創作都係反映心態，我諗依家個個對負面都好有共鳴，但聽我首歌會搵到佢哋想要嘅嘢，都好正面嘅。」

他透露現已錄了5首歌，其中和唱片監製，即是去年個唱音樂總監錄音時，特別大感觸：「感覺返晒嚟，覺得好似好耐冇上台咁，真係好掛住個舞台同群眾。」又謂覺得新歌最大問題是宣傳：「其實我都好鍾意接觸人。」問其牙醫工作可受疫情影響，他指已減少應診：「有朋友想嚟做檢查，我都叫佢遲啲先，唔係唔信佢健康，而係忍一忍為將來。」

至於可有聯絡傳反目的好友胡鴻鈞？他說：「冇呀，我都食慣檸檬，講笑啫，依家疫情都少咗同朋友見面，嚟梗更加冇得食晚飯，要轉食晏晝飯，我仲欠鄧小巧餐生日飯未食。」