Aka畀狗咬　廖碧兒籲對陌生狗狗勿太親近

組合Super Girls成員Aka（趙慧珊）於流浪狗場當義工，期間被狗狗突襲送院縫9針，隨時有毀容之險，事件令人震驚！

家中養了多隻玩具貴富狗的廖碧兒，當中亦有些已成為狗醫生，她獲悉Aka事件也表現關心，但就勸籲切勿對陌生狗狗太親近：「狗狗都係動物，但係流浪狗呢，你唔知佢之前發生咩事，唔知曾經受過咩對待，可能當刻佢知你唔係想襲擊佢，但只要有啲嘢觸發咗佢，或者你向前『哄』埋佢，隻手喺佢面前，佢都會以為係想打佢，佢自然反應會保護自己，所以千祈唔好。」雖然真的被狗狗咬到，碧兒表示首先要睇身體可有不適，若然有頭暈發燒，應盡快求醫，更說：「依家好多人隨身都有消毒液，用佢消毒咗先，睇吓傷口位有冇水，有即代表發炎，其實狗口水係乾淨，除非佢唔知舔過啲咩，驚入菌啫！」