帶傷赴美拍戲!劉晨芝無緣見馬田史高西斯

2020年07月15日 15:50
東網電視
更多新聞短片
劉晨芝堅持帶傷上陣趕飛美國拍戲。
歌手劉晨芝(Adrienne)早前赴美國拍荷里活電影,終趕及最後一場群戲,算是圓了夢。上月她在港的夜店遭女模偷擊踢爆下巴,險破相,但她堅持帶傷上陣趕飛美國,她說:「美國疫情都嚴重,劇組好小心嚴格規定入片場的人,我要提早幾日先做鼻液測試,跟住臨入去之前再做血液測試,每一個人每一日入現場都要測試,監製都唔畀入,所以嗰日我都無緣見馬田史高西斯。」
由於測試需時,她原本有幾日戲份,現只拍了最後一場,大感可惜,她說:「呢度我有自己嘅休息室,畀我化妝和換衫,荷里活製作真係好謹慎,我依家心願都係想多啲喺拍戲方面發展,今次返嚟應該仲有另一部電影拍,不過疫情咁樣,所以唔知拍唔拍到。」之後她在附近New Orleans四圍行,沿途沒有遇上幾個人,十分冷清。
提到她的下巴傷勢導致她有心理創傷,幸家人鼓勵,她說:「盡量唔好諗咁多,盡量向好方面諗囉!不過傷口郁吓都仲係痛,做戲都有少少影響,表情動作都唔可以太誇張,要就住就住。」