【閃盲人】馬國明最愛!湯洛雯將唐老鴨着上身

20200716
東網電視
更多新聞短片
小編都戴番副黑超先,就嚟盲喇!
藝人湯洛雯(靚湯)同馬國明自公布戀情以來愛得甜蜜,眾所周知,馬國明細細個就鍾意唐老鴨,而靚湯就喺社交網上載幾張着住唐老鴨T-Shirt嘅相,隔空向馬國明示愛!真係Sweet到爆!靚湯喺海邊影相大晒美腿,又輕咬紅色眼鏡,非常青春可人!她留言「Good weather keeps me positive」,而馬國明都即刻留言三個心心眼emoji,網民喺下面留言:「結婚」、「好閃」,湯洛雯喺第二張相再留言:「Whats so funny? 」馬國明:「鴨。」再貼心心眼。湯洛雯意猶未盡再出第三張電眼甫士相片後說:「When I look into your eyes...」馬國明用眼睛和代表女友的獨角獸公仔貼圖回應,公開放閃冧爆女友
有網民更到馬國明社交網留言問佢:「靚湯同唐老鴨跌落水,會救邊個先?」雖然馬國明冇答,不過網民都話佢會救靚湯先,因為鴨仔識游水!
馬國明數年前接受過J2節目《兄弟幫》訪問,曾被問到會否為唐老鴨放棄女友?當時他答話好大機會,更指想不到有甚麼原因不接受唐老鴨。現在情歸湯洛雯的馬國明,相信可以放心了,因為女友愛屋及烏,將「唐老鴨」着上身!