【好多人恨唔到】王麗嘉嫌胸太大着衫唔靚

男子組合天堂鳥（BOP）成員Tyrese（歐喬鋒）與巨胸網紅Pumpkin Jenn嘅戀情曝光後，不時喺社交網高調晒恩愛，呢日女方喺影片平台上載一段以Self-love（自愛）為題嘅短片，仲邀請好友幫佢拍片講唔鍾意自己嘅地方，而名模馬詩慧女兒王麗嘉（Irisa）亦係其中一位，Irisa更以裸上半身居家Look上鏡，一向身材惹火嘅佢居然話最唔鍾意自己胸大：「好多人話想要我個胸，但我覺得有少少唔方便，有時着衫又唔靚，不過可以點做，只能夠接納呢種不安全感。」此外，Tyrese就賣口乖大讚女友係完美，而且最鍾意對方嘅笑容，Sweet到爆！