陸浩明值95分！陳詩欣講明求婚要驚喜

無綫主持陸浩明（6號）Model女友陳詩欣（Ayan），甜美樣貌原來是一名甜品高手，加上她於理工大學時裝設計碩士畢業，有高挑身材及甜美笑容，是不少男生女神，其社交平台追隨粉絲極多，難怪逢男生都「葡萄」6號有個靚靚女朋友！

Ayan除了有外表，內涵亦不得了，因為煮得一手好菜，善長整甜品，之前更為男友於聖誕和情人節做薑餅人及「心太軟」甜品，6號大讚有水準之餘，感受到女友的心意而甜到入心入肺。最近她更學做花式蛋糕，用了自己英文名「A」字做餅模，上面有不少馬卡龍、士多啤梨和玫瑰花，美得捨不得吃。冧到男友不特止，好學的Ayan更要向難度挑戰，準備報讀甜品藍帶課程，希望有個專業的認可證書，再做網上甜品生意，終極目標當然想開實體的Cafe。

這對小情侶拍拖7年，因為常與6號合作主持無綫節目《食平D》系列的肥媽經常催婚，故二人都開始有計劃，雖然男方多次透露，希望明年成功買樓便落實結婚計劃，原來女方Ayan還有一個要求，就是要有個驚喜的求婚！Ayan稱：「肥媽係成日催婚，但男友都冇乜同我講，佢可能會畀驚喜我，始終結婚係人生大事，如果落實後應該一齊搞，有商有量嘛，但求婚就要有驚喜好啲，男友最好事前唔好畀我知！（家人催婚？）兩邊家人都冇催！（拍拖7年有冇痕嘅感覺？）又冇，可能痕就係踏入結婚呢個階段！（多年來相處之道？）其實男友脾氣真係好好，男仔好少有，佢遷就到我，佢講嘢又叻，我未發忟憎已經被佢緩和咗氣氛，（咁好嘅男友值幾多分？）95分啦，唔可以太高，要有進步空間。」

Profile

年齡：26歲

身高：173cm

三圍：31B、23、34

腿長：43吋

吸引部位：眼睛和笑容

嗜好:吃、煮甜品、做小手工

場地：My Sweet Art