聞許廷鏗即落閘！胡鴻鈞：過咗去嘅嘢唔好提

歌手菊梓喬（Hana）、胡鴻鈞、及劉佩玥分別現身電視城，其中Hana包到冚戴上黑超及口罩，她笑言因未化妝。又透露為明天的兩個節目綵排：「除咗《勁歌金曲》外，好耐冇上台唱歌。（有冇生疏？）自己有喺屋企練唱歌，不過就唔記得台下有觀眾嘅感覺，所以有時瞓唔着，會攞番自己影台下嗰啲片出嚟睇，因為好耐冇試過有觀眾。」

她又謂疫情關係，自己沒有周圍去，除了拍劇集《刑偵日記》外：「但我都拍得七七八八，不過因為我喺入面做小說編輯，獨自戲多啲，所以同其他人合作少啲，最多都係同王浩信嘅戲。」她又謂現時開工會做足防疫準備，會戴眼鏡及口罩，又會有小型空氣清新機跟身，而上台唱歌附近冇人都可以盡情唱。

胡鴻鈞就被問到與傳擘面的許廷鏗近況，講到對方謂與他沒有聯絡，笑指自己食慣檸檬，他即尷尬謂：「過咗去嘅嘢唔好提，我哋向前望，我有聽佢新歌，我依家都忙預備新歌，我請好多人食檸檬㗎，又畀好多人請食檸檬。（你哋好耐冇見？）我同好多朋友都好耐冇見。（咁有冇見緋聞女友蔡思貝呀？）聽日會見佢，因為一齊拍節目。」他又謂近排有睇《殺手》，記者打趣思貝有份做？他笑言：「唔關事，套劇cast勁，有雙男主角，陳豪同黎耀祥，好精彩。」問到他可恨拍這類型的劇？他表示全部題材都想嘗試，因自己演戲經驗不多，而8月將開拍新劇《今宵大廈2》，不能透露太多詳細內容，只笑言自己會做番個人，講到拍開《降魔的》的他多接拍鬼怪題材的劇集，問到可怕被定型？他表示：「冇所謂，如果可以喺呢方面闖出名堂，鬼怪戲就搵我，形象都幾鮮明。」

而日本男星三浦春馬自殺，劉佩玥被問到可會與緋聞男友周志文傾訴？她表示：「會傾，係我身邊重要嘅人，係朋友，同埋我啲表情都唔收到，幾表露無遺，其實爹哋媽咪入行前都會問有冇人蝦我，我習慣都會同佢哋傾訴，媽咪都知我之前壓力大，我之前試過生玫瑰座瘡，但同佢講完反而令佢冇咁擔心。」