【認貪心出事】譚嘉儀包面變尖驚變陳秀珠

20200719
東網電視
更多新聞短片
Well~佢哋有冇咁似先?
入行9年的譚嘉儀(Kayee)近日五官變化頗大,變得標致過人,對於愈來愈似年輕時的陳秀珠,惹來網民熱議。Kayee對此笑言開心有人討論,但否認整容:「睇到呢啲新聞覺得好得意,之前都覺得自己五官好肥,真係成個包咁。嗰時勁Baby Fat,近呢兩年做好多運動,同埋成日做Facial碌面,做啲緊緻療程。(好落本?)OK啦,我覺得做藝人係要花啲錢,我哋成日出嚟見人,都想皮膚好啲,要定期做Facial清潔。(你有冇整容?)梗係冇啦!有啲相落咗Filter勁得滯,我認我落錯Filter,貪心咗,影相用咗啲美顏App,一用就自動瘦咗,我冇為意,就咁甫上網。」
她坦言不擔心被指整容,但直言現時整容很普及,她說:「我就唔會去試(整容),因為覺得做運動可以瘦面,做瘦面機都夠。其實整容好難有定義,譬如脫咗粒癦,咁算唔算整容呢?或者紋眉、紋眼線,嗰啲又算唔算整容呢?我覺得最終目的係想個樣健康啲、靚啲。(覺得自己似陳秀珠?)睇睇吓都有啲似,我都想搵珠姐影番張相。(識唔識陳秀珠?)佢好靚,好開心啲人講我似佢。」又指之前用美顏機瘦面專攻下巴,一星期會碌幾次,笑言以後會「碌少啲」。