粉絲專頁遭黑客入侵　莊思敏驚粉絲被呃錢

藝人莊思敏（Jacquelin）社交網的粉絲專頁遭黑客入侵，令她失去管理人的身份，不能貼文或閱讀私人訊息，令她非常苦惱，擔心會被不法分子利用詐騙，她說：「因為我本身有賣貨，我怕啲人會喺社交網頁入面問畀錢嘅嘢，擔心啲粉絲畀人呃錢。」

Jacquelin稱曾聯絡社交網站方面通告相關事宜，但仍未有回覆。問到事發情況？她說：「我本身個專頁有幾個帳戶都係管理人，其中一個帳戶被入侵，尋晚助手收到通知，已經先後改咗四次密碼，最後甚至想將個帳戶取消，但發現個帳戶已被入侵，所有資料都改晒，仲踢走其他有份做管理嘅帳戶，依家我個專頁由兩個外國人頭像嘅帳戶管理，我有聯絡佢哋，一個冇回覆，一個就話不知情，唔知佢係咪共犯，但至今未收到黑客要求，唔知點解要入侵我嘅專頁，亦唔知佢哋企圖。」