要靚唔要命！鄧紫棋倒立拉筋望拉出長腿

有「小巨肺」之稱嘅歌手鄧紫棋（G.E.M.），唱功毋庸置疑，海豚音及飆高音統統都難唔倒佢。最近G.E.M.於大陸選秀節目《明日之子樂團季》上，唱出《依然睡公主》，狂飆17秒超長高音，展現驚人肺活量，驚艷全場。

其後佢喺社交網上載幾張拉筋及倒立相，見佢勁落力做伸展動作，仲留言自嘲：「高音可以拉長，腿能不能拉長啊？女人果然要美不要命…」有粉絲笑指如果高音可以拉到17秒，咁身高僅157cm嘅G.E.M.會唔會變170cm！