謝文欣錄慘情歌抽離唔到變喊包

28歲歌手謝文欣去年離開星夢後，轉投新唱片公司天盟娛樂，成為BOP天堂鳥及BINGO師妹。她加盟新公司後即獲度身打造新歌《偶像傳奇》，近日更食住個勢，籌備今年內再推出兩首新歌！她透露錄音期間數度爆喊：「其中一首係慘情歌，錄嘅時候太投入，愈錄愈傷心，足足成個禮拜抽離唔到，但好享受呢種感覺。有咩開心得過攞正牌，盡情釋放唔開心嘅情緒？」

她又自爆只要有充足睡眠就有好歌喉：「每次錄音就心情暴躁，因為畀自己好大壓力，但有次喺錄音室休息瞓一陣，就做到監製要嘅效果，後來每次佢都問我要唔要瞓15分鐘。」