廿年如一日！文頌嫻生日希望年年28歲

藝人文頌嫻（文女）今日44歲生日，獲好姊妹周家蔚為佢慶生，仲貼心地準備一個生日蛋糕，而蛋糕上有塊文女過往嘅劇照卡牌，見壽星女個樣同以前並冇太大差別，真係廿年如一日！文女喺社交網留言稱希望「年年28歲」，好多網民都大讚佢保養得宜，完全唔似人母，名副其實凍齡美魔女！目前身處於內地工作嘅姊妹佘詩曼都有留言送上祝福。