潛水遇險!余曉彤頭髮纏珊瑚命懸一線

2020年07月21日 23:28
東網電視
更多新聞短片
余曉彤有有14年潛水經驗。
有14年潛水經驗的余曉彤(Hidy),曾到不少國家潛水,大開眼界,她說:「睇多咗三分之二世界!我見過一條10米長嘅蘇眉,當時都嚇親,但教練話佢哋好善良。舊年去古巴幫海洋頻度拍攝,同二、三十條鯊魚喺水底跳舞,近到同佢哋對望。啲鯊魚好親切,仲畀條鯊魚撞到個頭,感覺好似被車胎撞埋嚟,自己都暈一暈!(唔驚?)我不嬲對鯊魚印象好好,之前都接觸過,佢哋傷人嘅數字好少,並唔係電影《大白鯊》咁恐怖,其實人類仲恐怖啦!食鯊魚!」
最令她膽怯的是與鱷魚影相,她說:「嗰次真心驚,因為未接觸過,同埋好多新聞話佢哋會食人。當地人教我哋試吓鱷魚嘅脾性,之後先落去拍攝,條鱷魚喺我旁邊,我唔敢喺佢個頭隔籬,而係喺佢個頭後少少游,心諗就算擰過嚟都咬唔到我。經過嗰次之後,發覺『鱷魚頭老襯底』係真嘅,佢哋唔係咁冷血。」
問到可曾「遇險」,Hidy說:「有次真係好驚險,攞住自拍喺海底影魚同珊瑚,當時我徒手潛水,影幾下就上水面吸幾啖氣再落去,點知影得太興奮,個頭掉轉咗咁拍,啲頭髮畀珊瑚纏住,第一次有死亡嘅感覺!當時冇人睇到我,佢哋全部喺水面,我不停Chok,連埋珊瑚一齊Chok上嚟,黐咗喺頭髮度,好彩執番條命!」Hidy現於香港開潛水學校,她說:「我想將潛水文化普及,令更多人了解海洋。」