細個唔知老竇咁紅　鄧兆尊重遊老牌西餐廳尋回憶

藝人鄧兆尊接受好友苑瓊丹邀請，亮相香港開電視節目《開工大吉77》訪問。兆尊帶苑仔前往銅鑼灣老牌西餐廳，感受兒時的回憶：「呢度我爸爸帶我嚟，第一次嚟大概十歲左右啦，真係由細食到大。（爸爸捉你出嚟說教？）屋企仲講唔夠咩，嚟到呢度佢都係望女仔、同行家傾吓偈。以前我都唔知佢咁紅，唔明睇戲點解要遲入場、早啲走，又唔陪我行百貨公司，同佢出街啲人會望實我哋。」

兆尊與苑仔片場結緣，友誼建立於「演戲」之上：「因為我佩服苑仔，佢可以話喊就喊，所以慢慢就做好朋友，我哋之間冇秘密，佢問咩我都會講。」