李昭南疫情下搞比賽　墊支6位數

美國華埠小姐李昭南（Mishy）近日夥拍好友模特兒黃浚誠舉辦選拔模特兒比賽，更邀得鄧月平作為初賽的評判嘉賓。Mishy指過程遇到不少困難地方，甚至墊支了6位數，她說：「因為疫情情況下，好多合作單位都收緊咗資源，同埋對我哋嘅信心都唔大，覺得我哋唔知搞唔搞得成，所以我哋都墊咗6位數字去搞呢件事，雖然係好傻嘅堅持，幸好最後都搞得成，我哋都好開心。」

提到為何在此時期仍堅決舉辦此比賽？Mishy說：「因為我哋想證明畀其他人睇，香港亦有好多高質素嘅模特兒同演員。」又指很慶幸獲得很多前輩幫助，令此比賽更為成功。