李施嬅簽約邵氏　唔覺外闖不成

藝人李施嬅被指與好姊妹胡定欣外闖不成，故要留低無綫，其實施嬅早已簽約邵氏，成為旗下藝人。對於指她外闖不成，她謂：「我又唔係好認同，拍無綫劇唔等於唔可以外闖，我接拍《金宵大廈2》都係以部頭形式接拍，都可以繼續同時間試出面唔同嘅嘢，唔係唔可以出去闖，而《金宵2》係大家都叫我去拍嘅劇，自己都好鍾意，而加拿大個劇本來八月拍，但《金宵2》都係八月拍，所以依家加拿大嗰邊等我拍完《金宵2》先再拍。」

而講到簽約邵氏，施嬅指邵氏高層樂易玲很好，因為她於外地及內地都已有經理人，樂小姐表示可以幫施嬅處理她的工作，施嬅謂：「邵氏係好大規模嘅公司，樂小姐亦非常有經驗，所以我相信香港嘅工作同所有嘢畀佢哋處理我好放心，邵氏會幫我處理香港同東南亞嘅工作，都好多謝佢哋。」