同DSE考生交流　「狂野空姐」廖慧儀被寸扮有料

香港小姐入圍佳麗、23歲「狂野空姐」廖慧儀（Jessica）尋晚喺社交網同粉絲傾偈，以過來人身份為應屆DSE放榜生提供輔導和協助，兼分享學業心得。佢話自己先喺中大讀Tourism and Hospitality Management高級文憑課程，之後再升讀中大三年級嘅Hotel and Tourism Management課程。佢話選港姐唔一定要係大學畢業生，讀大學只係對自己一個交待。講完一輪，有網友突破盲腸話佢：「好心唔好扮有料喇，未（咪）又係讀HD出身做空姐咋，扮乜嘢專家分享呀？」EQ高嘅廖慧儀就答：「純分享姐（啫），你冷靜啲先。」成功化險為夷。跟住有網友問佢點解咁靚？佢就答話：「點解我媽生到我咁靚」，睇嚟佢好認同自己好靚咁喎。

另外，佳麗連佳麗喺社交網上載自彈自唱片嚟鼓勵放榜DES考生。網友讚佢有仙氣之餘，仲讚佢唱功不錯，喺娛樂發展大有可為呀！