歐陽震華拍片教養生　網友：消瘦咗唔少

藝人歐陽震華（Bobby）離開無綫後，轉戰大陸市場，但因為疫情關係，唔少工作都停咗，所以最近得閒就拍片放上網，近日佢拍咗兩條教大家做運動及養生嘅片，見Bobby拍打自己身體各部位，之後話：「全身血液流動的好舒暢。」不少網民都留言話Bobby好似比之前消瘦咗唔少。

但片中另一個亮點，當然落喺Bobby嘅港普上啦！佢全程以普通話教大家點做，但佢嘅港普，唔鹹唔淡，相當好笑。其實Bobby早前為余詩曼拍攝嘅內地節目《看我的生活》擔任嘉賓時，佢以普通話同佘詩曼講起雪卵嘅話題，已經帶畀大家好多歡樂。

Bobby接受東網訪問，佢話：「其實我不嬲都咁瘦，你哋覺得我肥只係幻覺。呢個自己打自己嘅運動方法，係我老婆教我嘅，可能佢想打我好耐，又唔想郁手，所以咪教咗我囉！」最後，佢話喺呢個疫情下，大家都要健健康康。