【專業級】楊秀惠氹女整花環　靚到可攞出去賣

藝人楊秀惠今年四月喺馬來西亞秘密誕下千金，有女萬事足嘅佢，因為疫情好少出街，，專心留喺屋企，除咗湊女，亦為囡囡花盡心思做小手工。今日佢喺社交網站上載咗短片，佢親手做花花吊飾畀囡囡放喺BB床上面。

片中見佢買咗唔同顏色嘅玫瑰花，有粉紅色、香穦色、米色等，見佢用絲帶圍着圓圈繞，之後用膠水將玫瑰花一朵朵黐上圓圈上，整成個花環，再用線吊住啲玫瑰花，手勢純熟，而且手工仲好精美，完全可以攞出去賣。