開咪唔戴罩畀網民插自私　梁思浩咁解釋

新冠肺炎疫情愈趨嚴峻，大部分人都口罩不離身，有指梁思浩與李麗蕊及陳彥行錄製網台節目時，唯獨梁思浩未有戴口罩，即被網民圍插自私。雖然節目組於社交網留言指「去咗另一安全地帶開咪」，但網友卻直斥「安全地帶即係走法律罅」，更有聽眾表示節目中梁思浩自言因說話速度太快，怕大家聽不清楚而不戴口罩，鬧爆欠防疫意識。

事後，梁思浩發文解釋指因改用私人直播室，並全面消毒，故環境非常安全。而他回應東網時亦表示：「我租咗個私人直播室，事前問准晒佢哋㗎，佢哋每個人都知道，因為公共直播室好易交叉感染，所以我喺出面搵咗間私人直播室，成間公司都知，我亦有喺社交網度講，已經冇返公司開咪，租咗私人直播室做節目，我哋開咪前後都會用納米消毒噴霧清潔。」