潘瑋柏求婚成功　最開心竟然係佢：喊咗出嚟

台灣歌手潘瑋柏昨驚喜宣布婚訊，將迎娶「內地最美空姐」Luna宣云，圈中多位好友均紛紛送上祝福，就好似天王周杰倫都留言：「哇靠」，同時更有傳女方懷孕等消息。對於潘瑋柏結婚，估唔到最開心竟然係好友楊丞琳！

本身話要做楊丞琳「伴娘」嘅潘瑋柏，依家隨時要搵對方做「兄弟」，楊丞琳被問到是否有送上祝福？佢就透過經紀人向台灣媒體表示，潘瑋柏於發文公布前，就已經親口通知自己：「瑋柏發文前就有先跟我分享這個好消息了！他是親口告訴我的，當下知道時真的是立刻哭，掉下喜悅的眼淚，很替他開心！」Best Friend都開心到咁，唔知真正婚禮嗰日會唔會都喊到豬頭咁呢？