陳自瑤誤墮騙局 社交網被入侵遭勒索500蚊美金

2020年07月30日 09:29
東網電視
更多新聞短片
好過分…
早前傅穎嘅社交網被入侵,被放咗淫褻及暴力圖片,最後都無法重開逼於無奈開過另一個帳號,而今次就發生喺陳自瑤(Yoyo)身上!
佢喺另一社交網平台表示:「緊急通知🔥🔥🔥🔥想告訴大家,今晚我的被黑客入侵,拿走我的戶口,或勒索我要錢,才能拿回戶口 ,我的戶口,已經被換上了那個男人的頭像,如果他用我的戶口向你們做任何事不當的事 ,請小心,💥💥💥💥那個不是我!所以我要在這裏緊急通知大家,請大家注意!🙏🏼🙏🏼🙏🏼🔥🔥🔥我正在找方法處理!」佢又上載同該男子對話,該人要求佢交出500元美金「贖回」帳號!
Yoyo接受東網訪問時表示對方仲喺佢帳號度開Live吸毒:「佢hack咗我account之後,有齊晒我入面所有資料,相、電話、電郵,佢應該係之前假裝社交網人員send咗email畀我,叫我撳入條link重新認證個帳號,咁我就信咗!我依家諗番就覺得唔係,佢要我喺24小時內撳條link,如果唔係就close我個account,咁我就梗係撳啦,可能就係因為條link攞晒我啲資料!」所以佢即刻話畀大家聽,佢帳號畀人hack咗,驚大家唔知點解會有個男人喺度吸毒,佢又話:「有朋友睇到佢直播咗2分鐘,應該有300百幾人睇咗呢個直播,佢仲不停刪走我啲相。」而佢個帳號唔只已被改名,所以照片都冇晒!